İsmayılov Vahid Cabbar oğlu 1978-ci il dekabrın 23-də Bakı şəhərində anadan olub. 1985-ci ildə Xətai rayonundakı 269 saylı orta məktəbin birinci sinfinə daxil olub.
1995-ci ildə həmin rayondakı 287 saylı «Gələcək Zəkalar» orta məktəbinin 11-ci sinfini bitirib.
1995-1999-cu illərdə Bakı Dövlət Universitetinin «Beynəlxalq münasibətlər və beynəlxalq hüquq» fakültəsində «beynəlxalq münasibətlər» ixtisası üzrə ali təhsil alıb. 1999-2001-ci illərdə həmin təhsil ocağında eyni fakültə və ixtisas üzrə magistratura pilləsində tam ali təhsilə yiyələnib. İxtisasca beynəlxalq münasibətlər üzrə mütəxəssis, tərcüməçi-referentdir.
2001-2004-cü illərdə Azərbaycan Milli Elmlər Akademiyası Milli Azərbaycan Tarixi Muzeyinin «Vətən tarixi» istiqaməti üzrə aspiranturasında əyani təhsil alıb. 2010-cu il aprelin 14-də AMEA A.A.Bakıxanov adına Tarix İnstitutu nəzdindəki Dissertasiya Şurasında «Cənubi Azərbaycan milli-demokratik hərəkatlarının məğlubiyyətində böyük dövlətlərin rolu (XX əsrin birinci yarısı)» mövzusunda tarix elmləri üzrə fəlsəfə doktorluğu dissertasiyasını müdafiə edib.
Azərbaycan Respublikası Prezidenti yanında Ali Attestasiya Komissiyasının 17 iyun 2011-ci tarixli qərarı ilə tarix üzrə fəlsəfə doktoru elmi dərəcəsinə layiq görülüb.
2011-ci ilin iyununda Azərbaycan Respublikası Silahlı Qüvvələrinin Hərbi Akademiyası “Strateji Tədqiqatlar və Dövlət Müdafiəsini İdarəetmə Akademik Kursları”nın məzunu olub.
Əmək fəaliyyətimə 1999-cu il oktyabrın 1-dən Azərbaycan Respublikası Müdafiə Nazirliyi «Azərbaycan Ordusu» qəzetində müxbir kimi başlayıb.
22 may 2001-ci ildə öz ərizəmə əsasən işdən azad olunmuş, ertəsi gün isə Bakı Şəhər İcra Hakimiyyəti Diplomatik Korpusa və Xarici Nümayəndəliklərə xidmət göstərən «İnterservis» Müdiriyyətində kompüter operatoru vəzifəsinə qəbul edilmişdir. 2001-ci il iyulun 23-də həmin müdiriyyətdə baş mütəxəssis vəzifəsinə yüksəldilib. 2006-cı il dekabrın 21-də öz ərizəmlə həmin vəzifədən azad olunmuş və Bakı Şəhər İcra Hakimiyyəti Xarici Əlaqələr və İnvestisiya Proqramları Departamenti «Hüquq-müqavilə» sektorunun məsləhətçisi təyin olunmuşdur. 2008-ci il oktyabrın 7-də həmin departamentin «Beynəlxalq münasibətlər və xarici ölkələrin şəhərləri ilə əlaqələr» sektorunda aparıcı məsləhətçi vəzifəsinə keçirilib. 2010-cu il yanvar ayının 8-dən Bakı Şəhər İcra Hakimiyyəti Xarici Əlaqələr və İnvestisiya Proqramları Departamenti «İnvestisiya Proqramları və Analitik İnformasiya» sektorunun müdiri vəzifəsinə təyin edilib.
2017-ci il martın 2-də Bakı Şəhər İcra Hakimiyyəti Xarici Əlaqələr və İnvestisiya Proqramları Departamentinin sədr müavini, 2018-ci il yanvarın 19-da isə həmin Departamentin sədri təyin olunub.
2019-cu il yanvarından Bakı Şəhər İcra Hakimiyyəti Xarici iqtisadi və beynəlxalq əlaqələr şöbəsinin baş məsləhətçisi kimi çalışıb.
2025-ci il yanvarından hal-hazıra kimi Bakı Şəhər İcra Hakimiyyəti Başçısı Aparatı Sənədlərlə və vətəndaşların müraciətləri ilə iş şöbəsinin baş məsləhətçisidir.
Dövlət qulluğunun kiçik müşaviridir.
