Nurlan Ordubadlı

Ümummilli Lider Heydər Əliyev:
“Ordubadı haqlı olaraq Azərbaycan torpağının incisi adlandırırlar. Ordubad bağlarının, şəlalələrinin, dağ göllərinin təkrarsız gözəlliyi ilə məşhurdur. Qədim arxitektura abidələri ilə zəngin olan Ordubad şəhərinin şöhrətini onun əməkçiləri özlərinin bugünkü işləri ilə daha da artırırlar”.
Qədim diyarda görüşlər //Kommunist qəzeti // 1980-ci il, 26 may

Xasiyyət – ağıl və düşüncəyə ehtiyac olmadan, nəfsi asanlıqla fəaliyyət göstərməyə məcbur edən fitri xüsusiyyətdir.

“Hikmət”in yeddi növü var: birinci, zəka; ikinci, dərk sürəti; üçüncü, zehin aydınlığı; dördüncü, öyrənmə asanlığı (diqqət); beşinci, ağıl gözəlliyi; altıncı, hafizə; yeddinci, hazırcavablıq.

Zəka ona deyilir ki, çoxlu hadisə və xüsusiyyətlər içərisindən ilk baxışda, dərhal, ani surətdə (şimşək sürəti ilə) özünə lazım olanı seçə, asanlıqla düzgün nəticə çıxara bilsin.

Dərk sürəti ona deyilir ki, nəfs yalnız öyrəniləsi şeylərə doğru yönəldilsin, mənimsəmədə “dayanmaq”, “duruxmaq” kimi “rəzilətlərə” ehtiyac qalmasın.

Zehin sürəti ona deyilir ki, nəfsin istedadı iztirab və təşviş keçirmədən, tərəddüdə yol vermədən istənilən məqsədə yönəldilmiş olsun.

Öyrənmə asanlığı (diqqət) ona deyilir ki, nəfs diqqəti nəzəri üzərində səyi artırsın, o, müxtəlif xatirələr, ümumiyyətlə, özünə aid olan məsələlərlə deyil, heç bir maneəyə baxmadan yalnız tələb edilən məsələyə yönəldilmiş olsun.

Ağıl gözəlliyi ona deyilir ki, istər mübahisə, istər tədqiqat, istərsə kəşfdə həqiqət necədirsə, həmin hədd və həmin kəmiyyətdə qorunub saxlanılsın, nə daxili ehtimala, nə də xarici təsirə yol verilməsin.

Hafizə ona deyilir ki, ağıl, təsəvvür, təfəkkür və ya təxəyyül vasitəsilə ümumiləşdirilib yığcamlaşdırılmış anlayışlar (surətlər) yaxşı mühafizə edilib, yaxşı yadda saxlanıla bilsin.

Hazırcavablıq ona deyilir ki, dərk edilmiş və yadda saxlanılmış anlayışlar istənilən vaxt asanlıqla xatırlanıb deyilə bilsin.

“Şücaət” cinsinə daxil olan növlərin miqdarı on birdir: birinci, nəfsin ağayanalığı, ikinci, qoçaqlıq, üçüncü, alicənablıq, dördüncü, mətanət, beşinci, helm, altıncı, nəfsin sakitliyi (təmkin), yeddinci, hünər, səkkizinci, dözümlülük, doqquzuncu, təvazökarlıq, onuncu, qeyrət, on birinci, riqqət.

Nəfsin ağayanalığı ona deyilir ki, nəfs var-yoxluğa, az-çoxluğa böyük əhəmiyyət verməyə, mülayim və qeyri-mülayim işləri yola verməyi bacara.

Qoçaqlıq ona deyilir ki, nəfs öz möhkəmliyi üzərində hakim olsun, qorxu vaxtı səbir və təmkinini mühafizə etsin, nizam-intizamsız hərəkətlərə yol verməsin.

Alicənablıq ona deyilir ki, nəfs bu dünyadakı şan-şöhrət, eyş və işrət kimi şeylərə aludə olmaya, onların varlığı ilə şadlanıb, yoxluğu ilə kədərlənməyə, hətta ölümdən də qorxmaya.

Mətanət ona deyilir ki, nəfsin bədbəxtlik, ələm, kədər və ağır günlərə dözmək müqaviməti sarsılmaz ola, belə vəziyyət yarandıqda məğlubiyyətə uğramaya.

Helm ona deyilir ki, nəfsdə həlimlik olsun, qəzəb onu tez yerindən oynada bilməsin, xoşuna gəlməyən bir hadisə baş verəndə özündən çıxıb fitnə qoparmasın.

Nurlan Ordubadlı

Musiqiçi - "Yaşa, Azərbaycan" mahnısının ifaçısı

Əliyev Nurlan Əli oğlu 1986-ci il mart ayının 20-də Naxçıvan Muxtar Respublikası, Ordubad rayonunun Vənənd kəndində zəhmətkeş ailədə anadan olmuşdur.

Nurlan Ordubadlı 1-ci sinfə doğulduğu Vənənd kəndində gedib. Həmin məktəbi bitirdikdən sonra Vətən qarşısında borcunu yerinə yetirmək üçün həqiqi hərbi xidmətə yola düşür və xidmətini düşmənlə təmas xəttində - “N” saylı hərbi hissələrimizin birində aparır. Bu dövr ərzində qüsursuz xidməti ilə komandanlığın inam və etibarını qazanır.

Bununla əlaqədar, bir sıra xüsusi təyinatlı tapşırıqların yerinə yetirilməsi Nurlan Ordubadlıya tapşırılır. Eyni zamanda, Sədərək rayonunun Heydərabad kəndinə yaxın ərazidə Ermənistan-Azərbaycan arasında keçirilən müvafiq görüşlər zamanı müşayiət taborunda olur.

N.Ordubadlı uşaq yaşlarından musiqi sənətinə maraq göstərib. 2015-ci ildə "Lider” telekanalında keçirilən "Söz kəsəri” adlı layihənin qalibi olub. Lakin ailə vəziyyəti ilə əlaqədar bir müddət Rusiya Federasiyasında yaşayıb. İkinci Qarabağ savaşı başlamazdan bir müddət əvvəl isə yenidən ölkəyə qayıdıb.

44 günlük Vətən müharibəsi zamanı hər kəsin yumruq kimi birləşdiyi bir vaxtda Nurlan Ordubadlı vətənpərvər ruhlu mahnıları ilə öz xalqının yanında olur və sevimlisinə çevrilir.

Nurlan Ordubadlının yaradıcılığı bütünlükdə vətənpərvərlik mövzusundan ibarətdir. Şeirlərinin əsas mövzusunu vətənə sevgi, məhəbbət təşkil edir. İfa etdiyi – “Yaşa, Azərbaycan”, “Ana”, “Türkiyə-Azərbaycan”, “Qarabağdan”, “Şuşa Azərbaycandır”, “Can Azərbaycan”, “Zəfərindir Azərbaycan”, “Turan”, “Zəngəzur”, “Yaşasın Azərbaycan”, “Ali Baş Komandan”, “Naxçıvanım”, “Yaşasın Türkiyə-Azərbaycan”, “Can Azərbaycan üçün”, “Şəhid oldu”, “Ana Kürüm”, “Azərbaycandan uzaqlarda” “Bakıya”, “Naxçıvan”, “Ordubad” və adlarını çəkmədiyimiz neçə-neçə mahnılar milli janrdadır, qalib xalqımıza, müzəffər ordumuza, Azərbaycan Respublikasının Prezidenti, Silahlı Qüvvələrin Ali Baş Komandanına və Türkiyə-Azərbaycan qardaşlığına, dostluğuna həsr olunub.
Nurlan Ordubadlı bu gün demək olar ki, cəmiyyətdə sayılıb-seçilən və böyük rəğbət qazanan ifaçılardandır. Ona görə ki, hər zaman maddi və mənəvi olaraq şəhid ailələrinin, müharibə iştirakçılarının təmənnasız yanındadır.

Ailəlidir.