Cahanov Musa Məhəmmədhəsən oğlu 10 avqust 1947-ci ildə Ordubad şəhərində anadan olmuşdur.
1954-1965-ci illərdə Ordubad şəhər M.T.Sidqi adına 1 saylı orta məktəbdə təhsil almışdır.
1965-ci ildə N.Nərimanov adına Azərbaycan Dövlət Tibb İnstitutuna (indiki Tibb Universiteti) daxil olub, 1971-ci ildə həmin institutu bitirmişdir.
İnstitutu bitirdikdən sonra təyinatla Naxçıvan Muxtar Respublikasında xüsusi təhlükəli infeksiyaların laborator müayinəsi, epidemiologiyası və profilaktikası işini həyata keçirən Culfa taun əleyhinə şöbəsinə göndərilmiş:
1971-1978 həkim, 1978-1986 Şöbə rəisi, 1986-cı ildə Azərbaycan taun əleyhinə stansiyasına (indiki xüsusi təhlükəli infeksiyalara nəzarət mərkəzi) köçürülmüşdür.
1986-1992 həkim, 1992-2017 laboratoriya müdiri, 2017-2018 aparıcı elmi işçi kimi fəaliyyət göstərmişdir.
Fəaliyyəti dövründə -(1971-2018) dəfələrlə müxtəlif illərdə Azıərbaycan, Rusiya, Belarus, Gürcüstan, Qazaxıstan, Qırğızıstan, ABŞ, Almaniya, Tailand, Pakistan və Norveçdə ixtisasartırma, təklmilləşdirmə kursları keçmiş, elmi-praktiki konfranslarda iştirak etmiş və xüsusi təhlükəli infeksiyaların laborator müayinəsi, epidemiologiyası, profilaktikası və bioloji təhlükəsizlik qaydalarına dair təlim-seminarlarda olmuşdur.
Azərbaycanın və digər ölkələrin elmi-praktik jurnallarında, konfrans materiallarında və toplularda 20-dən çox elmi məqaləsi çapdan çıxmışdır.
3 kitab və 1 metodiki vəsaitin həmmüəllifidir.
-“İnfeksion xəstəliklər haqqında nəyi bilmək lazımdır”, Bakı-2001;
-“Zoonoz xəstəlikərə dair vəsait”, Bakı-2004;
-“Xüsusi Təhlükəli infeksiyaların laborator disaqnostikası”, Bakı-2013;
-“Laboratoriyalarda bioloji təhlükəsizlik qaydaları”, Bakı-2010;
1978-ci ildə SSRİ Səhiyyə Nazirliyinin “Səhiyyə əlaçısı” nişanı ilə təltif olunmuşdur.
1997-ci ildən Yeni Azərbaycan Partiyasının üzvüdür.
