FƏRƏCOV ZÜLFÜQAR HƏSƏN OĞLU

Ümummilli Lider Heydər Əliyev:
“Ordubadı haqlı olaraq Azərbaycan torpağının incisi adlandırırlar. Ordubad bağlarının, şəlalələrinin, dağ göllərinin təkrarsız gözəlliyi ilə məşhurdur. Qədim arxitektura abidələri ilə zəngin olan Ordubad şəhərinin şöhrətini onun əməkçiləri özlərinin bugünkü işləri ilə daha da artırırlar”.
Qədim diyarda görüşlər //Kommunist qəzeti // 1980-ci il, 26 may

Xasiyyət – ağıl və düşüncəyə ehtiyac olmadan, nəfsi asanlıqla fəaliyyət göstərməyə məcbur edən fitri xüsusiyyətdir.

“Hikmət”in yeddi növü var: birinci, zəka; ikinci, dərk sürəti; üçüncü, zehin aydınlığı; dördüncü, öyrənmə asanlığı (diqqət); beşinci, ağıl gözəlliyi; altıncı, hafizə; yeddinci, hazırcavablıq.

Zəka ona deyilir ki, çoxlu hadisə və xüsusiyyətlər içərisindən ilk baxışda, dərhal, ani surətdə (şimşək sürəti ilə) özünə lazım olanı seçə, asanlıqla düzgün nəticə çıxara bilsin.

Dərk sürəti ona deyilir ki, nəfs yalnız öyrəniləsi şeylərə doğru yönəldilsin, mənimsəmədə “dayanmaq”, “duruxmaq” kimi “rəzilətlərə” ehtiyac qalmasın.

Zehin sürəti ona deyilir ki, nəfsin istedadı iztirab və təşviş keçirmədən, tərəddüdə yol vermədən istənilən məqsədə yönəldilmiş olsun.

Öyrənmə asanlığı (diqqət) ona deyilir ki, nəfs diqqəti nəzəri üzərində səyi artırsın, o, müxtəlif xatirələr, ümumiyyətlə, özünə aid olan məsələlərlə deyil, heç bir maneəyə baxmadan yalnız tələb edilən məsələyə yönəldilmiş olsun.

Ağıl gözəlliyi ona deyilir ki, istər mübahisə, istər tədqiqat, istərsə kəşfdə həqiqət necədirsə, həmin hədd və həmin kəmiyyətdə qorunub saxlanılsın, nə daxili ehtimala, nə də xarici təsirə yol verilməsin.

Hafizə ona deyilir ki, ağıl, təsəvvür, təfəkkür və ya təxəyyül vasitəsilə ümumiləşdirilib yığcamlaşdırılmış anlayışlar (surətlər) yaxşı mühafizə edilib, yaxşı yadda saxlanıla bilsin.

Hazırcavablıq ona deyilir ki, dərk edilmiş və yadda saxlanılmış anlayışlar istənilən vaxt asanlıqla xatırlanıb deyilə bilsin.

“Şücaət” cinsinə daxil olan növlərin miqdarı on birdir: birinci, nəfsin ağayanalığı, ikinci, qoçaqlıq, üçüncü, alicənablıq, dördüncü, mətanət, beşinci, helm, altıncı, nəfsin sakitliyi (təmkin), yeddinci, hünər, səkkizinci, dözümlülük, doqquzuncu, təvazökarlıq, onuncu, qeyrət, on birinci, riqqət.

Nəfsin ağayanalığı ona deyilir ki, nəfs var-yoxluğa, az-çoxluğa böyük əhəmiyyət verməyə, mülayim və qeyri-mülayim işləri yola verməyi bacara.

Qoçaqlıq ona deyilir ki, nəfs öz möhkəmliyi üzərində hakim olsun, qorxu vaxtı səbir və təmkinini mühafizə etsin, nizam-intizamsız hərəkətlərə yol verməsin.

Alicənablıq ona deyilir ki, nəfs bu dünyadakı şan-şöhrət, eyş və işrət kimi şeylərə aludə olmaya, onların varlığı ilə şadlanıb, yoxluğu ilə kədərlənməyə, hətta ölümdən də qorxmaya.

Mətanət ona deyilir ki, nəfsin bədbəxtlik, ələm, kədər və ağır günlərə dözmək müqaviməti sarsılmaz ola, belə vəziyyət yarandıqda məğlubiyyətə uğramaya.

Helm ona deyilir ki, nəfsdə həlimlik olsun, qəzəb onu tez yerindən oynada bilməsin, xoşuna gəlməyən bir hadisə baş verəndə özündən çıxıb fitnə qoparmasın.

FƏRƏCOV ZÜLFÜQAR HƏSƏN OĞLU

ƏMƏKDAR ELM XADİMİ, TİBB ELMLƏRİ DOKTORU, PROFESSOR

ƏMƏKDAR ELM XADİMİ, TİBB ELMLƏRİ DOKTORU, PROFESSOR
AZƏRBAYCAN RESPUBLİKASI SƏHİYYƏ NAZİRLİYİNİN BAŞ DERMATOVENEROLOQU
AZƏRBAYCAN TİBB UNİVERSİTETİ DƏRİ-ZÖHRƏVİ KAFEDRASININ MÜDİRİ

1967-73-cü illərdə indiki Azərbaycan Tibb Universitetində təhsil almışdır.
1973-74-cü illərdə 5saylı Klinik Xəstəxanada həkim-intern kimi çalışmışdır.
1975-77-ci illərdə isə Sumqayıt şəhər 2 saylı Birləşmiş şəhər Xəstəxanasında həkim-terapevt işləmişdir.
1977-78-ci illərdə Sumqayıt şəhər Dəri-Zöhrəvi Dispanserində həkim-dermatoveneroloq kimi fəaliyyətini davam etdirmişdir.
1978-82-ci illərdə Bakı şəhər 2saylı Dəri-Zöhrəvi Dispanserində həkim-dermatoveneroloq işləmişdir.
1982-85-ci illərdə Moskvada Mərkəzi Dəri-Zöhrəvi Elmi Tədqiqat İnstitutunda namizədlik dissertasiyası müdafiə edərək tibb elmləri namizədi adını almışdır.
1986-87-ci illərdə Azərbaycan Tibb Universitetinin Mərkəzi Elmi-Tədqiqat Laboratoriyasında baş elmi işçi vəzifəsində çalışmışdır.
1990-cı ildə Moskvada doktorluq dissertasiyası müdafiə edərək tibb elmləri doktoru elmi dərəcəsi almışdır.
1991-ci ildən ATU-nun Dermatovenerologiya kafedrasında professor kimi fəaliyyətə başlamış və 2008-ci ildən isə həmin kafedranın müdiri vəzifəsində işləyir.
1999-cu ildən Azərbaycan Respublikası Səhiyyə Nazirliyinin Baş Dermatoveneroloqu vəzifəsini də yerinə yetirən professora 2010-cu ildə professora “Əməkdar elm xadimi”fəxri adı verilmişdir.

150-dən artıq elmi məqalə, monoqrafiya, dərsliklər, tövsiyyələrlə yanaşı 4 elmi ixtiranın müəllifidir.
Ailəlidir, 2 övladı var.