Natiq Məmmədov

Ümummilli Lider Heydər Əliyev:
“Ordubadı haqlı olaraq Azərbaycan torpağının incisi adlandırırlar. Ordubad bağlarının, şəlalələrinin, dağ göllərinin təkrarsız gözəlliyi ilə məşhurdur. Qədim arxitektura abidələri ilə zəngin olan Ordubad şəhərinin şöhrətini onun əməkçiləri özlərinin bugünkü işləri ilə daha da artırırlar”.
Qədim diyarda görüşlər //Kommunist qəzeti // 1980-ci il, 26 may

Xasiyyət – ağıl və düşüncəyə ehtiyac olmadan, nəfsi asanlıqla fəaliyyət göstərməyə məcbur edən fitri xüsusiyyətdir.

“Hikmət”in yeddi növü var: birinci, zəka; ikinci, dərk sürəti; üçüncü, zehin aydınlığı; dördüncü, öyrənmə asanlığı (diqqət); beşinci, ağıl gözəlliyi; altıncı, hafizə; yeddinci, hazırcavablıq.

Zəka ona deyilir ki, çoxlu hadisə və xüsusiyyətlər içərisindən ilk baxışda, dərhal, ani surətdə (şimşək sürəti ilə) özünə lazım olanı seçə, asanlıqla düzgün nəticə çıxara bilsin.

Dərk sürəti ona deyilir ki, nəfs yalnız öyrəniləsi şeylərə doğru yönəldilsin, mənimsəmədə “dayanmaq”, “duruxmaq” kimi “rəzilətlərə” ehtiyac qalmasın.

Zehin sürəti ona deyilir ki, nəfsin istedadı iztirab və təşviş keçirmədən, tərəddüdə yol vermədən istənilən məqsədə yönəldilmiş olsun.

Öyrənmə asanlığı (diqqət) ona deyilir ki, nəfs diqqəti nəzəri üzərində səyi artırsın, o, müxtəlif xatirələr, ümumiyyətlə, özünə aid olan məsələlərlə deyil, heç bir maneəyə baxmadan yalnız tələb edilən məsələyə yönəldilmiş olsun.

Ağıl gözəlliyi ona deyilir ki, istər mübahisə, istər tədqiqat, istərsə kəşfdə həqiqət necədirsə, həmin hədd və həmin kəmiyyətdə qorunub saxlanılsın, nə daxili ehtimala, nə də xarici təsirə yol verilməsin.

Hafizə ona deyilir ki, ağıl, təsəvvür, təfəkkür və ya təxəyyül vasitəsilə ümumiləşdirilib yığcamlaşdırılmış anlayışlar (surətlər) yaxşı mühafizə edilib, yaxşı yadda saxlanıla bilsin.

Hazırcavablıq ona deyilir ki, dərk edilmiş və yadda saxlanılmış anlayışlar istənilən vaxt asanlıqla xatırlanıb deyilə bilsin.

“Şücaət” cinsinə daxil olan növlərin miqdarı on birdir: birinci, nəfsin ağayanalığı, ikinci, qoçaqlıq, üçüncü, alicənablıq, dördüncü, mətanət, beşinci, helm, altıncı, nəfsin sakitliyi (təmkin), yeddinci, hünər, səkkizinci, dözümlülük, doqquzuncu, təvazökarlıq, onuncu, qeyrət, on birinci, riqqət.

Nəfsin ağayanalığı ona deyilir ki, nəfs var-yoxluğa, az-çoxluğa böyük əhəmiyyət verməyə, mülayim və qeyri-mülayim işləri yola verməyi bacara.

Qoçaqlıq ona deyilir ki, nəfs öz möhkəmliyi üzərində hakim olsun, qorxu vaxtı səbir və təmkinini mühafizə etsin, nizam-intizamsız hərəkətlərə yol verməsin.

Alicənablıq ona deyilir ki, nəfs bu dünyadakı şan-şöhrət, eyş və işrət kimi şeylərə aludə olmaya, onların varlığı ilə şadlanıb, yoxluğu ilə kədərlənməyə, hətta ölümdən də qorxmaya.

Mətanət ona deyilir ki, nəfsin bədbəxtlik, ələm, kədər və ağır günlərə dözmək müqaviməti sarsılmaz ola, belə vəziyyət yarandıqda məğlubiyyətə uğramaya.

Helm ona deyilir ki, nəfsdə həlimlik olsun, qəzəb onu tez yerindən oynada bilməsin, xoşuna gəlməyən bir hadisə baş verəndə özündən çıxıb fitnə qoparmasın.

Birinci Qarabağ müharibəsi

Birinci Qarabağ müharibəsi — 1980-ci illərin sonlarından 1994-cü ilin mayına kimi Azərbaycanın cənub-qərb hissəsində yerləşən Qarabağ bölgəsində Ermənistan Respublikası və onun tərəfindən dəstəklənən Qarabağın etnik ermənilərinin əksəriyyəti ilə Azərbaycan Respublikası arasında baş vermiş etnik və ərazi münaqişəsidir.

İkinci Qarabağ müharibəsi, Vətən müharibəsi, 44 günlük müharibə və ya "Dəmir Yumruq" əməliyyatı — Azərbaycan Silahlı Qüvvələri və Ermənistan Silahlı Qüvvələri arasında Dağlıq Qarabağda davam edən silahlı qarşıdurma. Atəşkəsdən sonra müşahidə olunan ən gərgin və uzunmüddətli döyüşdür. Beynəlxalq səviyyədə Azərbaycanın bir hissəsi kimi tanınan, lakin Ermənistan hökümətinin idarəetməsi altında yaradılan Qondarma Dağlıq Qarabağ Respublikası ilə bağlı həll olunmamış münaqişənin son gərginləşməsidir.

2023-03-21 22:23:11

Naxçıvanda ilk Tarix-Etnoqrafiya Muzeyinin yaradıcısı Ordubadlı kimdir?

AMEA Naxçıvan Bölməsi, Tarix, Etnoqrafiya və Arxeologiya İnstitutunun aparıcı elmi işçisi, tarix üzrə fəlsəfə doktoru
Xalqları - etnosları, onların məişətini, adətlərini, etnik biliklərin yaranması və inkişafını, onların yayılması və qarşılıqlı mədəni əlaqələrini, öyrənən etnoqrafiya elminin tarixi çox qədimdir. Qədim Misir, Babilistan, Assuriya, Qədim Hindistanın və Çinin yazılı mənbələrində, antik ədəbiyyatda, orta əsr tarixçi və etnoqrafların əsərlərində müxtəlif etnoqrafik məlumatlara rast gəlirik.

Yazının tamamı üçün : klik edin.

2023-03-21 19:22:58

Natiq Məmmədov

Dövlət xadimi

Natiq Nəsir oğlu Məmmədov 23 oktyabr 1956-cı ildə Bakı şəhərində ziyalı ailəsində anadan olmuşdur. 1973-cü ildə Nəriman Nərimanov adına Azərbaycan Respublikasının Tibb İnstitutunun müalicə-profilaktika fakültəsinə daxil olub və 1979-cu ildə həmin İnstitutu bitirmişdir. 1990–1996-ci illərdə Sabunçu rayon Səhiyyə Şöbəsinin rəisi vəzifəsində çalışıb. 1996–2001-ci illər ərzində 12 saylı şəhər poliklinikasında baş həkim vəzifəsində işləmişdir.

2001-ci ildən 2004-cü ilə qədər Azərbaycan Respublikası Gənclər, İdman və Turizm Nazirliyində çalışıb. Təşkilatı və İşlər İdarəsinin rəisi, 2002-ci ildən etibarən isə Azərbaycan Respublikası Gənclər, İdman və Turizm Nazirliyində Turizm Baş İdarəsinin rəisi vəzifəsində işləyib.

2004-cü ildə Azərbaycan Respublikasının Prezidenti İlham Əliyevin müvafiq sərəncamı ilə Natiq Nəsir oğlu Məmmədov Şamaxı rayon İcra Hakimiyyətinin Başçısı vəzifəsinə təyin olunmuşdur.

2006-cı ildə Azərbaycan Respublikasının Prezidenti İlham Əliyevin müvafiq sərəncamı ilə Natiq Nəsir oğlu Məmmədov Azərbaycan Respublikasının Əmək və Əhalinin Sosial Müdafiəsi Nazirinin müavini vəzifəsinə təyin olunmuşdur.

Maarifçilik sahəsində görkəmli xidmətlərinə görə Azərbaycan Respublikası "Bilik" Maarifçilik, Mədəniyyət və İnformasiya Mərkəzinin 14 aprel 2004-cü il tarixli qərarına əsasən Natiq Nəsir oğlu Məmmədova Yusif Məmmədəliyev adına medalla təltif olunmuşdur.

11 avqust 2005-ci il tarixindən etibarən Natiq Məmmədov Azərbaycan Respublikası Əslizadələr Məclisinin üzvüdür.

2006-cı ildə Azərbaycan Respublikasının Məcburi köçkünlərin sosial-inkişaf Fondunun müşahidə şurasının üzvü.

2011-ci ildə Azərbaycan Respublikası Mədəniyyət və Turizm Nazirinin müvafiq əmri ilə Natiq Məmmədova əməkdar turizm işçisi adı verilmişdir.

Azərbaycan Respublikası Prezidentinin müvafiq sərəncamı ilə 21 iyun 2017-ci il tarixində Dövlət qulluğunda səmərəli fəaliyyətinə görə Natiq Nəsir oğlu Məmmədov "Tərəqqi" medalı ilə təltif olunmuşdur.

Natiq Məmmədov 1995-ci ildən etirbarən Yeni Azərbaycan Partiyasının üzvüdür.

Natiq Məmmədov evlidir.

Oğlu Məmmədov Nəsir Natiq oğlu

Qızı Məmmədova Kamalə Natiq qızl

Qızı Məmmədova Vəfa Natiq qızı

Natiq Məmmədov müxtəlif ixtisasartırma kurslarında iştirak etmişdir:

— 1981-ci ildə Azərbaycan Respublikası Həkimlərin Təkmilləşdirməsi İnstitutunun ixtisaslaşma dermatovenerologiya

— 1988-ci ildə Azərbaycan Respublikası Həkimlərin Təkmilləşdirməsi İnstitutunun sosial gigiyena, müalicə profilaktika işinin təşkili və idarəetməsi

— Ə. Əliyev adına Azərbaycan Dövlət Həkimlərin Təkmilləşdirməsi İnstitutunun sosial gigiyena və səhiyyənin təşkili

— 1991-ci ildə Moskva şəhərində SSRİ Səhiyyə Nazirliyinin rəhbər kadrların ehtiyat kursu, səhiyyədə idarəetmə texnologiyasının elmi əsasları

— 1996-cı ildə Azərbaycan Respublikasının Həkimlərin Təkmilləşdirmə İnstitutunun ictimai sağlamlıq və səhiyyə

— 1991 və 1997-ci illərdə Azərbaycan Respublikası Ədliyyə Nazirliyi X. Xasməmmədov adına hüquq kadrların Təkmilləşdirmə İnstitutunun Azərbaycan Respublikası Konstitusiyasının əsasları, Əmək qanunvericiliyi və onun icra mexanizmi, mülki, təsərrüfat və cinayət qanunvericiliyi.