Abbasova (Quliyeva) Dilşad Salman qızı 30 iyul 1950-ci ildə Naxçıvan MR-nın Ordubad şəhərində anadan olub.
Orta təhsilini Ordubad şəhər M.T.Sidqi adına 1 nömrəli Orta məktəbdə alıb.
1968-ci ildə M.A.Əliyev adına Azərbaycan Dövlət İncəsənət İnstitutunun "mədəni-maarif" fakültəsinə daxil olub, 1972-ci ildə həmin fakültəni bitirib.
Həmin il Mədəniyyət Nazirliyinin təyinatı ilə Abşeron rayonuna göndərilib.
1972-1983-cü illərdə Mədəniyyət şöbəsində müxtəlif vəzifələrdə çalışıb.
1981-1983-cü illərdə Mədəniyyət şöbəsinin müdiri işləyib.
1983-1984-cü illərdə Abşeron rayon Xalq Deputatlar Sovetinin sədr müavini seçilib.
1985-1990-cı illərdə Abşeron Rayon Partiya Komitəsində təbliğat şöbəsinin müavini olub.
1991-ci ildə Abşeron rayon "Zəhmət" kommersiya şirkətinin nəzdində şadlıq evinə müdir göndərilib.
1991-ci ildən 1993-cü ilə qədər şadlıq evinin müdiri - “Zəhmət" (Məişət kombinatının) direktoru işləyib.
1993-cü ildə Bakı Sosial İdarəetmə və Politologiya (indiki Azərbaycan Prezidenti yanında Dövlət İdarəetmə Akademiyası) İnstitutunda "Sosial İdarəetmə" fakültəsini bitirib.
1993-cü ildən YAP-nın üzvüdür.
2004-2006-cı illərdə "Respublika" qəzetində redaktor, 2006-cı ildən 2023 oktyabrın 18-nə qədər 45 saylı Abşeron Seçki Dairəsinin sədri, 20 oktyabr 2023-cü ildən hal-hazıra qədər 48 saylı Abşeron Birinci Seçki Dairəsinin sədri vəzifəsində işləyir.
2006-cı ildə Azərbaycan Respublikasının Prezidentinin Sərəncamına əsasən “Tərəqqi”, 2018-ci ildə "Azərbaycan Xalq Cümhuriyyətinin 100 illiyi (1918–2018)" yubiley medalları ilə təltif edilib.
Ailəlidir, 2 övladı, 5 nəvəsi var.
