Ceyhun Həsən oğlu Abbasov 1972-ci il avqustun 4-də Naxçıvan Muxtar Respublikası, Ordubad rayonu, Unus kəndində anadan olub. Orta təhsilini Unus kəndində başa vurub. 1996-cı ildə Azərbaycan Texniki Universitetini "Mühəndis-elektronik-konstruktor" ixtisasını fərqlənmə diplomu ilə bitirib. Bir sıra Avropa dövlətlərində, habelə Türkiyə, ABŞ, Mərakeş və digər ölkələrdə biznes görüşlərində, konfranslarında, seminarlarında iştirak edib.
Ceyhun Abbasov 1992-ci ildən etibarən bizneslə məşğuldur. Hazırda fəaliyyətini qurucusu və rəhbəri olduğu "Avrora Qrup"un prezidenti kimi davam etdirir.
Şirkət distribütor fəaliyyətini daha peşəkar və davamlı həyata keçirmək üçün mərkəzi ofisi Bakıda olmaqla Naxçıvanda, Gəncə, Lənkəran, Bərdə, Quba, Göyçay, Şəki və Saatlıda filialları fəaliyyət göstərir.
“Avrora Şirkətlər Qrup"un əsas istehsal xətləri Abşeron yarımadasında – Hökməli Sənaye Mərkəzində yerləşir. Bu da istehsal olunan məhsulların ölkənin bütün nöqtələrinə çatdırılması və logistika proseslərinin maksimal effektli olmasını təmin edir. Məhsulların keyfiyyətli olması üçün istehsal müəssisələrində dünyanın yeni nəsil texnologiyaları tətbiq olunur.“Hökməli Sənaye Mərkəzi”ndə fəaliyyət göstərən zavodlarda ən qabaqcıl avadanlıqlar quraşdırılır.
Ceyhun Abbasov xeyriyyəçilik fəaliyyəti ilə geniş məşğul olur. Həvəskar musiqiçidir - Tar ifaçısıdır. Şeiriyyata maraq göstərir.
Ailəlidir, iki övladı var.Türk, Rus və İngilis dillərini bilir.
Azərbaycan Respublikasının iqtisadi inkişafına verdiyi töhfəyə və sahibkarlığın genişləndirilməsi ilə bağlı dövlət siyasətinin həyata keçirilməsindəki səmərəli fəaliyyətinə görə Azərbaycan Respublikasının Prezidenti İlham Əliyev tərəfindən "Tərəqqi" medalı ilə təltif edilib.
