Quliyev Eldar Abbasqulu oğlu 1943-cü ildə Ordubad şəhərində anadan olub. 1948-1958-ci illərdə Ordubad şəhərində S.Vurğun adına orta məktəbdə təhsil alıb.
1958-1960-cı illərdə Ordubad şəhər Konserv zavodunda fəhlə, 2 №-li məktəbdə texniki işci kimi çalışıb.
1961-ci ildə Bakı şəhərində Azərbaycan Politexnik İnstitutunun İnşaat fakültəsinin Memarlıq şöbəsinə daxil olub.
1962-ci ildə Ordu sıralarına çağırılıb. Moskva vilayəti Hava Hücümundan Müdafiə qoşunlarında 3 (üç) il xidmət edib. 1965-ci ildə Ordu sıralarından tərxis edilib. Təhsilini Azərbaycan Politexnik İnstitutunun axşam şöbəsində davam etdirib.
1966-1974-cü illərdə Respublika Dövlət Plan Komitəsinin Xüsusi Bədii Konstruktor Bürosunda (XBKB) sektor müdiri və Həmkarlar təşkilatının sədri olub. Fəaliyyətinə görə Fəxri Fərman və Medallarla təltif edilib.
1974-1977-ci illərdə Bakı şəhər Oktyabr (indiki Yasamal) rayonu Xalq deputatları Sovetinin İcrayə Komitəsi nəzdində Lahiyə-Smeta Bürosunun rəisi vəzifəsinə təyin edilib.
1977-ci ildə Bakı şəhər Oktyabr rayonu XDS-nin İcrayə Komitəsinin Sədr Müavini vəzifəsinə seçilib.
1978-1980-ci illərdə Azərbaycan Kommunist Partiyasının Mərkəzi Komitəsinin Ali Partiya məktəbini (axşam şöbəsi) bitirib.
1975-1983-cü illərdə 3 (üç) çağırış Oktyabr rayon XDS-ə deputat seçilib.
1979-cu ildə Oktyabr Rayon Partiya Komutəsinə üzv qəbul edilib.
1979-cu ildə Azərbaycan Memarlar İttifaqına üzv qəbul edilib.
1979-cu ildə Kiyev şəhərində Ali Partiya və Sovet rəhbərləri üçün təşkil edilmiş Hərbi Hazırlıq kursu keçmiş və Zabit rütbəsi almışdır.
1982-ci ilin dekabr ayında öz xahişi ilə Azərbaycan Eimlər Akademiyasına köçürülmüş və işlər idarəsinin müdiri vəzifəsində işə başlamışdır.
1998-ci ildə “Abşeronun yaşayış evləri və tikinti mədəniyyəti'' adlı monoqrafiyası nəşr olunmuşdur.
2001-2020-ci illərdə AMEA Rəyasət Heyətində şöbə rəisinin müavini və şöbə rəisi vəzifəsində çalışmışdır.
Hazırda təqaüddədir.
1991-ci ildən “Tusi” Xeyriyyə Cəmiyyəti İdarə Heyətinin üzvüdür.